爆Cap.

三月 22, 2006 in 硬件

1. 尋日睇小麥草地介紹一傳聞﹕將M$ Window XP裝上Intel Mac後，因XP未包括風扇驅動程式，可能導致Mac 因過熱而死掉，其實最初發出呢個傳聞既人根本對散熱風扇、風扇驅動程式運作不甚了解，散熱風扇只要有電就會跑，而外加的風扇驅動程式只負責控制轉速＜有點像電風扇的轉速控制＞，反而風扇驅動程式出錯更有可能過熱呢。
2. 另外，之前有eMac爆Cap.死機事件，除左用左大陸平價Cap.之類原因外，另有一原因由其他PC底板玩家提供﹕其實電源供應唔穩定亦會加速底板電容死亡，例如個底板加HD加乜加物要400Watt，你隻牛就只得400Watt輸出，或者你隻牛有550Watt輸出，但呢個可能只係峰值＜平均又只得400W＞，又或者隻牛用耐左唔足火喎＜以上係一般原廠機火牛通病，跟住一燒碟就Hang機＞，我自己買牛就一定唔會貪平勒。