幼稚園面試記

十月 30, 2006 in Bosco

人仔細細未夠兩歲既 Bosco ，已經要搵學校。

九日前既星期六，八點幾已經被「巢」醒，因為十點鐘一家三口就要面試。

去到學校， Bosco 都無乜心機，好明顯，佢未「回魂」，我。。。我。。。我都係！

學校環境我覺得 OK ，因為太太以前係幼稚園教師，佢可能有另外既睇法。

好勒，終於可以入去，我就負責帶 Bosco 入課室「玩」，太太要再去排隊﹔係課室 Bosco 玩得幾開心，因為屋企無呢款積木，玩左十幾廿分鐘，又被帶去聽校長既介紹。

校長未開始講古， Bosco 已經開始反斗，佢堅持要去另一邊玩＜喂！爸爸都頂唔緊，你忍下啦！＞，終於講服左 Bosco 聽話坐定定，輪到前面既小妹妹作反勒，搞到成地「星星」零食，小妹妹既媽咪忍唔住打左小妹妹一野！噢！

哈，十分鐘後， Bosco 開始眼訓，無心機勒！

我唔係太記得 校長講左乜，不過，我對校長話偽學卷＜ 校長唔記得有個偽字，我幫佢加番＞問題上會積極面對，甚感滿意，雖然唔知點積極法。

終於到左面試時間，四名小朋友係一間課室內面試，一入到去， Bosco 選唔岩合心意既玩具，開始唔多高興勒，老師點撩 Bosco ，佢都唔多想啋老師＜因為太太希望 Bosco 自己回答老師問題，所以同其他家長唔同，我地無陪住 Bosco 一齊坐，亦唔幫老師傳話＞，最後老師搞唔掂， Bosco 媽咪唯有出手啦。

唔知係咪安慰我地，老師話 Bosco 都 OK 既，起碼老師坐埋去佢無彈開丫！？！？

其他小朋友？有個做左喊包收唔倒聲咯！

就係咁，面試完畢，返去等通知，詢眾要求下， Bosco 臨走前俾左個「一號笑容」俾老師，錫錫？ Bosco 即閃！