不要告我

一月 24, 2007 in 無序社會

有入黎睇開既朋友都會明白我既取態，無論為左利益又好，為左乜 Q 都好，好搞唔搞，走去搞米飯班主？通街咁多老翻你唔去捉？

之前見倒知識產權關注小組講出呢件事，真係心淡！

延伸閱讀﹕

My Life as Open Source – 罷買叮噹產品

***

講開又講，大多數版權人個額頭真係寫住＂戇膠＂兩個字，佢地要打擊既「襯家」有好多，大致分甲、乙兩類﹕

甲類﹕老翻生產商、模仿競爭者、盜用肖像副產品、惡意對頭人、水貨拆家、水貨分銷商、賣老翻鋪頭、網上上載者

乙類﹕正貨消費者、正貨零售商、 fansite 、水貨／老翻既用家、網上非法下載

點＂戇膠＂？

一＞甲＋乙幾乎包括世界所有人，同全世界為敵喎？

二＞但甲、乙數目比例上相差十萬八千倍喎，而且甲類先係「問題」！又唔出盡力打？

而且，打擊乙類只係徒勞無功既，就算無左老翻同 BT ，唔等於班用家就會用正貨正版，好似我咁， N 年前已經唔會 BT 港產片、港產音樂，當然更唔會幫襯版權人啦，最多咪唔睇唔聽～

相反，我買正版之前，多數試左先， BT 又好，合法下載又好，走去鋪頭試又好，唔試過唔好搞我，以前「領」過太多野勒，無咁多錢咁多地方俾 d 合法垃圾！