言語潔癖 or 文字獄

一月 26, 2007 in 無序社會, 特衰政府

廣管局除左擔當東廠角色，我唔知佢地重識 d 乜，有一個人投訴無線＜亞視都有播過＞播左 N 咁多次既「秋天的童話」內有極度惹人反感之用語，而廣管局決定向無線電視發出籲勸。

唔係話得「一個人」投訴就唔駛理，但有無判斷過係咪咁「惹人反感」先？

如果劇中人個個好似八股佬咁文縐縐，你請我都唔睇，呢套亦唔係電影而係「樣板戲」，一班行過船既水手講幾句粗口有乜咁奇？

「屌你！」唔出得街，但咁多年來咁多外語片有咁多外語粗口，點解又無問題？＜連潮語都過倒骨＞「 Fuck you! 」唔等於「屌你！」咩？

今日聽左卓小姐電台節目，佢帶出左一個有趣問題﹕好多係廣播節目內不能出現既俗語大多同黑社會背語有關* ，如果有一日，黑道中人反過黎將好多日常用語納入佢地既背語、詩**裏面，咁廣播節目咪唔用得？

究竟有 d 用語係咪粗俗，係咪已經成為左日常用語，廣管局應該向學者請教，而唔係硬膠一塊！

我怕我地一般市民對粵語次文化既了解都比廣管局班「太監」多，唉！

* 披＜衫＞、蛋＜手錶＞、爆江、爆格等俗語都係源出黑社會背語

** 唔少三合會都有「招牌詩」，黑道中人用作識別身份來歷，即係「交詩」