Training の悲劇

April 22, 2007 in 悲劇系列

見靚太呻老公超時工作再加上被逼參加公司團隊合作訓練，令陪伴家人時間大大減少云云～

我是過來人，試過每月有百多二百小時 OT 紀錄，相信經驗比大部份人多，可以吹兩咀。

不過今次講同 training 有關既先，下次再教大家 OT 求生訓練～

以前在美資公司工作，美資公司最著重員工陪訓，連「去公幹時怎樣使用公司信用咭」都有 training course 可上＜我真係被逼上過＞， training 唔可怕，可怕既係每一個員工每年都有一個最少訓練時數＜例如 40hrs＞，重要分 internal / external ， Internal 既即係 ISO / 6 sigma / TCS / IDE / 7 habits ……. 果類吹水野， External 既只要同工作有少少關係就得﹔每年一開始，你同你上司除左為你份 appraisal 努力之外，重要為你既 training plan 頭痛，一個新入職員工可能重會有唔少 course 可以上，做得十年八載，你就越來越為呢樣野而頭痛，唔通又再上多次 7 habits ？唔好卦？

呢類 training 無聊在，明明係一 d 好普通好多人都知既常識，俾人放到好 Q 大、好 Q 長咁同你慢慢講，上完之後好多同事都唔會實行既，真係為左交數俾大老闆睇？

***

最開心一次，係澳門渡過三日兩夜，食好住好，連女同事都特別靚，不過有 d 同事就份外白痴﹔係 training 裏面，可能警覺性低左，可以見倒好多人既真實一面，見倒有 d 人真係好唔掂，呢個係唯一既好處。

試過有人係外地受訓，休息時間聯群結隊去左一間有女人伴唱既卡拉 OK ，點知一同去受訓既大老闆要求 HR 帶佢周圍行下，剛好入左去同一間卡拉 OK ，哈哈！

***

最痛苦一次，明明幾日後要去外地公幹，重乜都未準備好，偏偏白痴老細「漿糊」監硬要我去一個係外面上三日既 7 habits training ，上完第二朝就上機，同「漿糊」講不如推遲下一期先上，「漿糊」唔夠我講，只係識重覆又重覆咁叫我記住去上堂。

佢個腦真係同漿糊一樣架！

另一次就更勁，已經連續幾個星期趕 project ，最後重要砌足四十八小時無訓過，出貨之後重俾人捉去元朗一個營地上 team building ，我又竟然可以玩到夜晚 BBQ 完再返出市區都唔眼訓喎，不過就好乜悶咯，成日都只係見一班老細擦大老細鞋咯～

***

寫住咁多先，閃！