老撚土＜三＞

十一月 17, 2009 in 戇鳩

人，戇鳩到某個程度，同佢正正經經講道理係無用既，唔撚啋佢，或者兜頭兜腦一棍扑落去，係正確既態度，我駛撚理你。 繼上次強硬回絕對方請求後，老撚土又再搵我幫手，不過今次竟然連聯絡／夾時間都唔做，直接向主辦單位謊稱我已「上馬」，連日期都定埋，等對方傻下傻下以為我會幫手，唔係有人通水，我可能睇漏眼到死線先發覺。 你做初一，我做十五，你屈我又老點人地，我當然搞大佢，打兩個電話，咪冚世界都知道你既仆街野咯。 咁硬膠都做得出，老撚土可以「升呢」做「痴撚線」。

李我真情對話

十月 17, 2009 in 戇鳩

見網友玩得開心，玩埋一份: 李：你覺得呢個年紀嘅人，有乜共同特色？ 我：髮線向後移、對o靚模既肉體有興趣，我承認，我好膚淺 李：除咗呢樣，生活上呢？ 我：培養緊個仔將來搵個高官既女做老婆，方便利益輸送 李：有乜差異？ 我：點撚知公眾利益同利益輸送有乜差異丫？ 李：你係咪覺得呢代人好鍾意激烈情緒同情感上得到愉悅？ 我：所以我投社民連，起碼有得掃場 李：自拍愉悅係咪快樂一種？自拍同反叛有冇關係？ 我：問陳冠希，唔該！ 李：自拍同反叛有冇關係？ 我：乜你重覆又重覆自己剛剛問完我又唔撚想答既野，食帶定腦受震丫？ 李：有冇曾經後悔？例如為讀書冇睇一場騷。 我：平行宇宙，唔駛後悔，唯一後悔既，應該係黎左呢度聽你鳩o翕扮高深 李：對於我冇睇騷，你有乜comment？ 我：真心果句，你有睇無睇關我撚事？客氣果句，你駛撚理我點諗？ 李：依家年輕人係點？ 我：同我後生果陣一樣，一樣咁柒，但一拎曾狗個柒仔黎比，個個都正正常常 李：咁你有冇衝動同欲望梳理自己？ 我：現在有衝動同欲望修理閣下 李：你覺得年輕人追求自己或做緊乜嘢係咪好重要？ 我：好多人都唔知自己做緊乜，你都係一樣，你知你問緊乜咩？所以，有乜咁重要？ 李：快樂對你o黎講係咩？「你快唔快樂」？ 我：越墮落越快樂，再問落去你就大檸樂，問完未丫仆街？

吸毒o靚模攬枕去援交

八月 13, 2009 in 無序社會, 特衰政府, 戇鳩

當人地去人肉搜索的時候，我選擇回帶去援交。 吸毒、o靚模、援交，我唔知有幾咁大件事，要「嘩！」，只係你未見過社會既另一面，或者係叫做你從未坦誠面對過自己心裹既另一面，呢 d 野廿幾三十年前買本龍虎豹，已經睇到你唔睇。 吸毒，唔想提果 d 戇鳩驗毒問題，大把人笑左，我再無乜補充，只係由頭開始，都係仆街曾想搞下民望工程，屌！又有人陪佢戇鳩喎，香港教育制度已經俾班狗官玩到殘，再俾仆街曾翻「渣」執多濟又何妨。 o靚模？咪玩啦，我地咁崇拜美日文化，人地一日到黑都見到既野＜我地成日幫佢地睇埋都唔少＞，一換左陀地，你地就炸晒型，唔撚係丫麻？！ 至於援交………. errrr….. 我承認，為左一部 iPhone ，我唔介意同靚女＜眾數亦可，當然禮物最好多過一件＞食餐飯，反正，是援交是追求，誰援交誰，警方的「超級」電腦都搞唔清，你又點撚樣放蛇先？拉埋李氏父子告佢地倚靠援交為生啦。 一諗起驗毒，我就諗起亞基拉﹕ 係喎，重有攬枕喎，妖！咁唔抵得o靚仔買個周獸拿返屋企，你咪搵個碧咸、金城武、甚至最好係長毛攬枕＜菜菜子專用！＞咯，我真係唔覺有乜咁大鑊有乜本質上既分別，玩攬枕好過做「板男根」卦？

老撚土 ＜二＞

十二月 6, 2008 in 戇鳩

上回講到老撚土有求於我，今個星期又叫同事約係聖誕食餐飯，當係慰勞大家之前一年來既幫手，一句﹕「唔得閒！」，收皮！ 我係咁，既然無野好傾，見黎做乜？除左為搵錢傾生意，最撚憎食餐飯都要扮撚晒野扮和和氣氣， sorry ，我屋企有飯食～

縮骨算爆老能土

十一月 23, 2008 in 戇鳩

既然爆響晒口唔再用我，就咪叫個同事打電話黎叫我幫手，叫得我幫手，又要拎番個「尾彩」，唔係老能土係乜？ 至於 F 君，之前我已批佢必被人「叮」走，果然不出半年已…….. 搞笑既係條罪名比我既罪名更低能，講到尾又係錢！ 又話錢唔係咁緊要，屌！

不專業

六月 30, 2008 in 戇鳩, 人之患

呢兩個星期參加左一個課程，講者有幾位醫生同其他專業人士，個課程好唔好見人見智，起碼有一大堆資料掉俾你，我真係無乜野意見，對以上人士既表現亦覺得 OK 不專業既係負責示範既幾位導師！ 我已經為呢幾位仁兄諗埋借口﹕我都相信呢次示範係臨時拉伕既，而且幾位九成九應該係 RN 出身＜一睇手勢就知！＞，對呢方面既技巧生疏少少我都預左…… 但都唔 X 係咁 X 流丫？幾位連最基本既手勢都做唔掂又錯又漏，講解亦唔見得有料到，但幾位係呢方面既＂導師＂喎！唔 X 係咁就去教人丫？連我教出黎既人都無咁水～ 四個 station 有兩個係咁，浪費時間，唔示範好過！我都係第一次見倒呢 d 外行示範俾內行睇既＂慘劇＂﹔唉！我都教過前線既人，最起碼，人地服我呢個＂阿蛇＂～

對中共能力的批評

五月 26, 2008 in 戇鳩

如果認為我抽水、請唔好睇落去 汶川大地震呢場災難，其實可以睇成一場地區衝突級數既戰爭，但由災難第一日開始到今日＜上個星期初＞，睇倒中共領導層加上解放軍既能力，真係好驚人，好＂驚人＂地無能！ 以前有人講過，自從鄧小平死後，中共領導層已無人有＂吉士＂／能力發動一次戰爭＜我當然唔係好戰者唔好亂諗＞，依家我真係相信勒 不論係天氣環境、政治因素、唔夠直升機、唔夠人駕駛直升機、溫總唔係軍委搞唔掂解放軍、解放軍動員能力差、解放軍要先去解救軍事要塞、從未制定各種災難應變機制……..各種理由而阻遲全面啟用空中運輸力量救災，根本就已經暴露出中共軍事、政治、應變能力比其他超級大國相去甚遠，誇張咁講可能仍停留在六七十年代人海戰術程度 大量運用直升機支援其他兵種既戰術係越戰時期已經開始出現，唔好同我再講乜借口，如果呢次唔係地震，而係邊境衝突，分分鐘無左幾個省咯！唔通下下出核彈？ 糞青們，發少陣白日夢吧！以前重話武力收服臺灣，我驚未到半路已經出事～ *** 由上個星期開始，一拖再拖先寫完～

始作俑者

二月 5, 2008 in 戇鳩

不是幾句道歉就可以算了，你知這件事對別人有幾嚴重？呢批相根本無可能消失，你做乜 Q 可以補救倒？ 聽倒由你陳冠希口中講出既道歉就反胃！

民智

二月 4, 2008 in 戇鳩

呢個星期，香港已經俾 E 君既女星裸照所掩沒，市民參與既投入度比立法會投票率高出 N 咁多倍，以下既例子可能你都遇過﹕ 一＞只要你同一班人坐埋，聲稱未有裸照，你一打開藍牙就有人自告奮勇掟俾你 二＞食食下飯十幾廿分鐘，大家既話題一定係女星裸照，講完一陣兜兜轉轉又兜番去呢個話題上面 三＞上電腦堂，阿 Sir 直情拎 PG 張相出黎同大家研究下 PS 大神點用黎「移花接木」 不能盡錄 我地幾樂此不疲啊！ 不過我最頂唔順依家重有人懷疑係咪「移花接木」，無野丫麻？報紙都好信既？有咁既神通洗卵去執呢 d 猩猩交配紀錄？搵真銀把啦 *** 事件發展到今晚，香港特區權貴既 瓜 爪牙 – 香港公安已經追查到士丹利街，唔通真係咁簡單？唔係丫麻？ *** 我就等緊幾時先有其他果幾佰張未發表既陳氏影集由香港公安局流出～ *** 另外，我諗我要努力成為權貴，因為就算做左「Edi 猩」式蠢事，都有香港公安執我 d 蘇州屎，都咪話唔過癮！

陳生一束之陰謀

一月 31, 2008 in 戇鳩

你不會期望我會說說照片是否「移花接木」吧？華南虎在那裏？ 首先，我仍很同情照片內的女星，不論她們是自願被拍，不知情甚至不自願被拍﹔被人知道被這猩猩搞上床還不算可恥，但現在有證有據總不能永遠一句「移花接木」就帶過去了 自古至今，男方只會被美其名為風流，女方不可能吧？ 相信這個星期一眾曾經跟這猩猩搭上的小女星都睡不好，希望對方不會有更多更不堪的照片在手＜這個我可以想像是什麼＞～ 我個人只好奇放片神祕人背後的目的，這樣的「唧牙膏」方式不太像業餘所為，至少我不大相信這批照片是一手的，究竟為何要用到這一招呢？這一招基本上已是「萬佛朝宗」式全力一擊，不可能只為不喜歡這人＜渣？＞而做吧？ 另外，相信「禽獸成」亦估不到剃人頭者人亦剃其頭，旗下商品這這這這這樣被人「移花接木」。。。。 *** 有時候，訪問的內容過後一段時間再看也可以很好看的，由其是被訪者的答案經過時間的洗禮﹕

影夠！影夠！

十二月 7, 2007 in 戇鳩

又傷人又涉嫌妨礙司法公正，真係神經～ 「有線」攝影師遭掟飛樽擊暈 男子涉襲攝記案押後審訊

硬膠飛屎卜

十一月 20, 2007 in Web2.0, 戇鳩

上星期因為清除硬碟上資料，連 Firefox 上既 cookies / password 都一次過清除，咁當然乜野 eBay / Paypal / Facebook 都要重新輸入密碼，大部份都無問題，唯有 Facebook 試左幾次入唔倒去，咁可能我記錯左啦～ 咁好勒，我試過 reset password 但又收唔倒依貓通知喎，其實收唔倒都唔出奇既，唯有向 login@facebook.com 求救啦，我就搭單問埋點解佢地唔俾我改過個 “real name” ，因為我之前試過去改，但佢地個系統 (Automatic approval system) 係一定唔批既，咁小事唔俾改就算啦，橫掂要問野我就順手問下～ 哈，唔問由自可，一問之下佢地就話﹕「你用假名係違反我地使用條款喎 (Fake names are a violation of our Terms of Use.) 。。。。。。如果你想繼續使甪你個 profile ，俾返你個真名我地，再恢復返俾你用啦！ (If you would like to use this profile again, just get back to [...]

戇鳩就是硬道理

十一月 5, 2007 in 戇鳩

食肆獲ISO 22000可豁免扣分 咁考試考倒 100 分係咪就可以出貓、犯校規？呢 d 品質認證我都玩過，有幾多間公司唔係為考而考呢？真係有貫徹始終去執行？而且無乜食肆考倒根本唔代表 d 乜～