Archive for the ‘政治幼兒園’ Category
聽左上星期蕭生既節目，余大姐身為公文袋既黨魁，竟然上人地節目前都唔 Q 做定功課，連自己政黨政策都搞唔清楚，前後矛盾，算把啦！照一位現場觀眾建議，貴黨既議員下一屆全部去選功能組別算啦～ 無謂獻世！
民建聯印好左＂民建聯成功爭取引用特權法查雷曼事件＂既 banner 未呢？ P.S. 我有個舊同事同阿克勤仔好似樣，但就正氣好多，果然相由心生，人有人樣，狗有狗相！
大家明白點解要投社民連未？一樣既意念，由蕭生講多次你聽，希望你收倒～ Related topic: 請投旗幟鮮明的反對派
我曾經講過，如果有一日葉劉係一個立場堅定的反對派，就算唔同意佢政見立場點都好，我都會考慮投佢一票，因為需要反對派監察、制衡當權政府 反對派既作用好多人都知，但一到投票就忘記左，往往為左其他垃圾參選者＜包括建制派、磨滑左既民主派、民主派無間道、扮獨立人士、功能黨人＞既虛偽糖衣包裝／短暫利益／不實承諾或者種種原因唔投票俾反對派而俾左一票果班垃圾，當選左之後四年就唔 Q 知做過乜，可以唔出席會議，可以出賣港人利益，可以幫助官商勾結，可以利益輸送自己政黨，可以映張相寫幾字扮成功爭取乜乜物物…… 但四年後大家不問情由又投俾果班垃圾 請清醒一下，諗下呢四年邊個係議會積極參與，邊個去盡力阻止政府任意竊聽市民，邊個一直反對領匯上市，邊個爭取成立民間電臺，公文袋？淫賤聯？白鴿黨？ NO!!! 係社民連！ 我都講過自已唔多認同社民連既政策，但除左社民連，就只有投白票呢個選擇，其他人真係投唔落手，旨意佢地監察政府？佢地呢班垃圾唔偷食、唔害市民已經偷笑！ 我地需要旗幟鮮明的反對派監察、制衡當權政府，衝擊不公平既議會，請投社民連！
http://www.mandytam.com/download/en_lc_letter_20080204.pdf 呢次公文袋無得卸啦卦？又係佢個人既事？ 而且，佢蠢到貼地……..不過更重要既係，經過幾次辯論俾人抽插＜參加功能組別+游說馬田李番閹+….等問題＞，公文袋核心人物真係見晒底，究竟佢地內部有無討論過大部份政策議題？連自己都呃埋？定係諗住蒙混過關？
近日睇左唔少有關選舉既文章，甚至辯論活動，相信自己投俾邊一個已經好肯定咯 希望選民們重記得一樣野，選舉唔係要選個聖人，而且要選個對我地傷害最少既人，正如我對社民連既政策唔可以全盤接受，但，起碼佢地有個清楚既論述，而且，其他既黨派，甚至大部份獨立候選人＜包括真假「獨立」＞，對真係有些少獨立思考能力既人，都真係投唔落 家住西九，係咁依 up 下﹕ 選九西的還有莊永燦、李慧琼名單、龍緯汶名單、涂謹申名單、林依麗、馮檢基名單、劉千石、柳玉成名單和譚凱邦。 P.S. 要聽長毛同毓民選舉金句駛鬼上 Youtube ，聽開佢地既節目佢地已經講左幾個月～
既然中共唔肯做，咁就由我帶頭為汶川大地震死難同胞下半旗致哀 Related topic: 先為死難同胞下半旗致哀吧！
中共再唔加大力度為民眾仇外情緒降溫，京奧之前分分鐘整鋪大既～ 等睇戲咯！
從 Nikita 手中搶過從公國仔而起的「聖火」，我愛用來「拔罐」，神聖個屁！？ 近一年一連串「京奧」關聯事件包括李柱銘被打成漢奸、鎮壓西藏騷亂、胡佳被監禁等，我首次感到身為中國人一份子而羞恥，不單為中國現政權而恥，更為民族主義者的盲目言論而恥 奧運是全人類的文明活動，屬於所有人，而不是只屬於主辦國，自然全人類都有權向中國政府表示不滿，你又會話係中國內政，不容外國勢力說三道四，但胡佳或其他異見人士、甚至我們都是中國人，有權批評吧？ 不容人民提出意見、缺乏透明度、缺乏法治精神、缺乏人權保障的政府，同幾百年前封建社會有乜野分別呢？同中共口中既階級敵人又有乜分別呢？ 不應將體育與政治混為一談？放屁！「悲精奧運」徹頭徹尾都是中國宣示國力，當權者好大喜功的表現，不是政治是什麼？亦正如 Nikita 所言，將體育與政治混為一談的始作俑者正是中共當局 極權者手中的聖火令，其實就是引火物，與其東躲西藏，不如草草收場吧！省得最終引火焚身！ Darkman, 香港旺角 Technorati Tags: blogtorch08
看 Taxi to the dark side 或其他幾部同系列既紀錄片，一定俾唔倒咁直接既感覺，第一其他幾部所發生既距離太遠，又或者沒有興趣了解＜對日本政黨政治真係無興趣＞，而且 …….. 選民登記又開始勒，你會為個月餅＜或荔枝或蛇羹＞而投會打你既班長嗎？ 有關此系列紀錄片的資料 剛剛才從 MyRadio 《北上》節目內知道此有趣視頻，之前只知有 Taxi to the dark side ～
成成同學，唔好咁啦～
我成日係度諗，有無可能有一日我會投一票俾葉劉呢＜先不論選區問題＞？ 其實我唔擔心將來佢上台做特首會帶來鐵腕統治，係零三年「阿爺」受到既教訓，呢個情況出現既機會比較少，擔心「凍水煮蛙」、新生代被政府洗腦、泛民自毀長城被淘汰好過啦，咁係咪就要投佢呢？對唔住，俾一個比煲呔曾更無識見、更無能力、更無 EQ 、只有野心比佢多既人做特首，我擔心佢會出醜影衰我地香港人多過佢會搞我地～ 再睇下係咪大家價值觀、政治立場相差太遠呢？咁做政客可以包裝得倒既，你睇下今次係咁意包一包，已經可以模糊化倒咁，幾多人爭住話佢有承擔有能力＜雖然你問十個，九個都答你唔倒，剩低果個都係俾 d 似是而非既答案你＞，難保零八年立會選舉佢可以被包裝倒成為一個「新聖人」，但對唔住，我重對佢既所作所為記憶尤新，果位「以權謀私」而入冊既前議員「打包」功力雖高，但我無人地咁易俾人洗腦 最後，我諗除非葉劉做反對派啦，咁我會投佢一票既，唔係話民主派人士無可能成為多數派，甚至執政＜當然機會比較微，但我都重好樂觀＞，而係葉劉，甚至民賤聯呢 d 只係識「舔」當權者屎眼既所謂政客，有種做反對派咩？到時咪第一時間伸出黎「舔」！西瓜靠大邊丫麻！ 「搞對抗無前途！」，哈哈哈！唔通做走狗有前途？ 人狗不兩立～
毓民係 尋晚 前晚＜星期一＞既節目開始時講左一個好好笑既笑話，係關於建制派打電話動員去投葉劉一票既～ 如果係真的話，打電話果個真係好白痴！ orz
-
最近的回應
darkman on 我點解要你請我？ ARIEL on 我點解要你請我？ 人人檸檬茶(204篇) — … on 檸檬茶短篇 五點 on 倪匡先生真跡 My Life as Open Sour… on Hitler finds out no camera in … Five Points on 十五片 darkman on 唉鳳與雪豹 gabefung on 唉鳳與雪豹 darkman on Bosco 週記＜二十＞ darkman on 唉鳳與雪豹 -
Flickr/Sushi
More Photos 
MacGrass- Macworld
- Engadget
- 老地方冰果室
- An error has occurred; the feed is probably down. Try again later.
- Xuite日誌：反微軟資訊新聞
- 貝哥哥
- Tom’s Hardware Guide
- TG daily
- The Unofficial Apple Weblog (TUAW)
-
-
本 著作 採用 Creative Commons 姓名標示-非商業性-相同方式分享 2.5 授權條款授權.
This work is licensed under a Creative Commons Attribution-NonCommercial-ShareAlike 2.5 License. -
