吸毒o靚模攬枕去援交

八月 13, 2009 in 無序社會, 特衰政府, 戇鳩

當人地去人肉搜索的時候，我選擇回帶去援交。 吸毒、o靚模、援交，我唔知有幾咁大件事，要「嘩！」，只係你未見過社會既另一面，或者係叫做你從未坦誠面對過自己心裹既另一面，呢 d 野廿幾三十年前買本龍虎豹，已經睇到你唔睇。 吸毒，唔想提果 d 戇鳩驗毒問題，大把人笑左，我再無乜補充，只係由頭開始，都係仆街曾想搞下民望工程，屌！又有人陪佢戇鳩喎，香港教育制度已經俾班狗官玩到殘，再俾仆街曾翻「渣」執多濟又何妨。 o靚模？咪玩啦，我地咁崇拜美日文化，人地一日到黑都見到既野＜我地成日幫佢地睇埋都唔少＞，一換左陀地，你地就炸晒型，唔撚係丫麻？！ 至於援交………. errrr….. 我承認，為左一部 iPhone ，我唔介意同靚女＜眾數亦可，當然禮物最好多過一件＞食餐飯，反正，是援交是追求，誰援交誰，警方的「超級」電腦都搞唔清，你又點撚樣放蛇先？拉埋李氏父子告佢地倚靠援交為生啦。 一諗起驗毒，我就諗起亞基拉﹕ 係喎，重有攬枕喎，妖！咁唔抵得o靚仔買個周獸拿返屋企，你咪搵個碧咸、金城武、甚至最好係長毛攬枕＜菜菜子專用！＞咯，我真係唔覺有乜咁大鑊有乜本質上既分別，玩攬枕好過做「板男根」卦？

香港政府痴撚左線！

二月 26, 2009 in 無序社會, 特衰政府

你老味！攬撚住我地果萬幾億唔放！你老豆剩落俾你架？ 唔撚識救市就咪出黎鳩 up 啦!成個政府都係咁撚樣！曾蔭權曾俊華仆街啦！睇住七一市民上街踩死你！ P.S. 一講起＂你老味！＂，就諗起由毓民把磁性既聲音講出黎鬧佢地，係幾咁正！

奧運金牌有 X 用？

八月 28, 2008 in 無序社會

奧運完左，我終於可以耳根清靜一下 成 Q 日聽倒乜乜金牌榜，又要計中國＜只計金牌＞定美國＜計總數＞公平 d 又乜乜乜…… 屌，有幾多個牌除左好似大國之間鬥多核彈咁，又或者我地既暴發祖國要威咁＜即係陳師奶同朱師奶鬥大家個仔有幾多個獎狀咁上下＞、又或者我地可以大叫中國人終於站起來之類，對全人類、對國民有乜野用先？大家會做多 d 運動？對唔住我唔多覺！我有個舊同事＜或者好多人，你我他都係咁＞乜 Q 野球類比賽都撈晒汁，又唔見佢會去掂下個波？ 和平競賽？唔同以前，依家快左果零點幾秒有 X 用？全部都只係科技競賽～ Sorry! 大家只係鬥唔俾人知自己用左禁藥或者係用左一 d 唔自然既方法黎贏左個比賽，上台接受獎牌既，應該包括埋運動員背後既禁藥專家 我唔反對搞奧運，但唔好睇到個牌咁重要，有錢有人，自然可以有牌拎，有乜咁奇﹔有錢投資落去搞，不如投資下醫藥研究或者教育先？

愛國 101

五月 7, 2008 in 無序社會, 特衰政府, 反革命分子, 人權與極權

愛國就是愛中國共產黨 愛國可以很便宜，一件紅色上衣就可以，或者加上一個紅心、 (L) 也可 所以有錢開紅色法拉利就最愛國 愛國就是一句口號 愛國，在香港是一少撮人富豪和權貴的專利，其他人就是不夠愛國 愛國就是要忘記八九六四 愛國，最重要的第一句就是﹕「你是漢奸！」 愛國，殺人也可以，打砸搶當然沒問題 愛國就是不許說三道四，所有事情都是國家機密 愛國就是不要問國家能為你做些什麼，而要問一下你能為你的國家做些什麼 愛國就是犧牲自己和他人，為「人民／極權政府？」服務 愛國就是一切文學、藝術、新聞＜甚至歷史＞，必須為政治服務，必須服從黨的領導＜偉大的毛主席指導思想！＞ 愛國就是跟隨黨的路線改變而改變，今天是大漢奸，明天是偉大的舵手，昨天是同志，今天從照片中消失得一乾二淨 愛國就是隱惡揚善，不能讓其他人知道國家的問題、醜陋的一面 愛國就是《心繫家國》 但我每次看到《心繫家國》，就感到汗毛直立 愛國就是教育，但最重要是抹去解放前／回歸前所有歷史，沒有共產黨，沒有新中國、沒有新香港 愛國就是﹕「你知道嘛，中國就是最好的！」 愛國，另一個選擇是「顛覆國家政權罪」 愛國不單是一黨專政，我們也有宗教自由，一是共產黨、二是共產黨、三是共產黨………….. 愛國就是「解放思想，積極學習科學發展觀」 愛國就是一邊抵制家樂福，一邊搶 LV 愛國就是一邊抵抗帝國主義修正主義，一邊爭在外國領事館排隊出國 愛國就是保護聖火 愛國就是有需要時政治與體育分開 愛國就是「中國不容欺負」 愛國就是「支持中國辦奧運」 愛國， one world， one voice! 愛國就是對一切分裂活動「零容忍」，但容忍別國侵吞中國土地 愛國就是除共產黨外，誰都不准扯旗＜朋友，不要心邪！＞ 愛國就是要忘記中共建國後，跟所有先輩帝國王朝一樣，直接／間接殺害中國人的數目，比任何一個外國勢力都多，亦更有效率 愛國就是要又紅又專 愛國就是「聖火都回到中國的門口了，誰敢去搶，一定饒不了他！」 愛國就是「你是不是中國人？」「你有沒有去過西藏？」「你根本不認識中國歷史！」 愛國就是神舟上太空 愛國，所以中國是世界中心，四周是東夷、南蠻、西戎、北狄，他們等待著我們 解放 解救、教化 愛國，中國人 追打 不打中國人 愛國就是強調堅持社會主義道路、堅持人民民主專政、堅持中國共產黨的領導、堅持馬克思主義毛澤東思想，不論吃飯還是拉矢 愛國就是支持政府鎮暴，並拒絕任何形式的談判 黑貓也好，白貓也好，能歌頌中共政府愛中國他就是好貓 愛國→盲目→阿Q 每一天，也是＂中華民族到了最危險的時候＂ 「黑社會也有愛國的」，你還記得是誰說的？ 我們對中國的感情就像舊愛，肉身明明已跟別人私奔，取了綠咭、唱了國歌入了藉，間中還跟別人取笑舊愛怎樣不見得人，但一見了舊愛射射火箭、辦辦運動會，我們還是會跑出來大喊愛國，難怪新歡懷疑你的忠誠 [...]

義和團

四月 20, 2008 in 無序社會, 政治幼兒園

中共再唔加大力度為民眾仇外情緒降溫，京奧之前分分鐘整鋪大既～ 等睇戲咯！

天水

十二月 6, 2007 in 無序社會, 特衰政府

繼馬會決定係天水圍開設電話投注中心， Sony 亦決定為天水圍居民提供臨時工作機會，雖然馬會份工唔係天水圍居民優先＜喂！有免炒金牌好唔好？＞， Sony 份工亦唔係全職工作，但總算係一個好既開始丫，係咪？ 除非等到陳生做特首啦～

聖人之道？

十二月 2, 2007 in 無序社會

極惡生偽善就真！ – 「善人不得聖人之道不立，跖不得聖人之道不行；天下之善人少而不善人多，則聖人之利天下也少而害天下也多。」＜莊子，胠篋第十＞

盡力

十二月 2, 2007 in 無序社會, 選舉, 政治幼兒園

唔係「對面海」選民既我，無乜可以做，不過如果閣下仍未投票，我俾 d 決心你﹕ 如果你仍然擔心、懷疑所謂「十成按揭」事件，當事人唔回應，你可以睇下第三者既睇法，佢係地產界中人，有可信性 而且有點按揭認識再加上思考一下，已知係唔係抹黑 就係當事人個底太乾淨，咪只可以一路咬住呢點唔放咯 *** 我唔係話佢完美、零缺點，佢最多係爛，但另一個係毒蘋果 *** 另一位當事人，你有無聽清楚佢每一句說話未？ *** 有所為有所不為，不要過後追悔，就如領匯上市事件～

決戰前夕

十一月 27, 2007 in 無序社會, 選舉, 政治幼兒園

睇完星期日「直選小丑擂台」，凌晨再睇多次，唉！我睇投票當日陳四萬可能最多只比葉劉多五個百分比勝出，甚至倒輸三個 我唔知泛民同陳太諗乜，大佬，葉劉表現「屎」，陳太你都唔好得幾多，你地自己有無出盡力去打？對比上次「凸手」選舉，今次更似水鬥水，區選重未輸夠皮？ 各位對面海選民，雖然泛民同陳太唔爭氣，但請珍惜手上選票，無論係唔出黎投票、投白票、投其他果幾個小丑，都係間接捧葉劉上特首之路 至於諗住投俾葉劉果班，夏蟲不可語冰！

警訊

十一月 16, 2007 in Bosco, 無序社會

各位觀眾，我係麥振江，上集陳警花報道左多宗騙案提醒大家，節目結束之後，我地接倒好多個電話，提供好多有用既資料俾我地，係度好多謝大家，今集我再向大家介紹多種行騙手法，希望大家留意下﹕ 跌錢黨 – 騙徒除左會係老人家面前以親切笑容扮乖，借詞拎出豬仔錢箱騙財外，亦係受害人＜主要係一名三十多歲中國籍男子＞換衫既時候，要求受害人將身上跌出之零錢儲入騙徒之豬仔錢箱～ 天仙局 – 騙徒取得受害人信任一齊玩層層疊後，多以以欺詐方式取勝，例如無法取下積木時，立即以高速手法重擲骰子～ 迷暈黨 – 大約兩年前開始係新界南區活躍，最近係西九龍區亦有零星個案，騙徒專係晚飯時間落手，騙徒會係受害人面前假裝慢慢暈低，受害人通常都會好合作俾騙徒離開，騙徒就以極高速度蘇醒然後走左去玩！而一般相信騙徒唔會係進食西式蛋糕、粥品時間下手～ 大家要小心提防！

人惡被人欺

十一月 16, 2007 in 無序社會

尋日三條友要坐船上中山工作，一上船已見滿左九成九，咁好啦問下職員個位係邊啦，咁職員就好快手帶埋我地去，重叫埋亂坐果幾位仁兄仁姐番去自已個位，嘩！呢幾位仁兄仁姐唔單止唔諗住起身，最右手面果位正野大聲夾惡話佢地果位俾人坐左，講完重繼續用恐佈食相食佢個早餐，咁我地當然唔出聲企係度交由職員處理啦～ 好勒，無言對望左一陣佢地之中既男士卒之頂唔順起身過返去自己位，「果位正野」一路食一路爆出最精警既一句﹕「喂！你 make sure 果度有位坐我先起身啊！」嘩！你老味丫！ 咩人黎架？咩道理？無膽叫人走又有膽坐我個位？

痔典基

十一月 2, 2007 in 無序社會, 政治幼兒園

唔係有無查字典既問題，而係土共有市場有 fans ＜當然有蛇宴、荔枝、月餅＞，所以佢地 up 乜都得，對付呢 d 人，一係一次反駁完就算唔 Q 理佢，一係就野蠻過佢 我一早講過，而且「漢奸」事件同大眾利益無乜直接關係，有人理先奇！ 依家係玩政治，唔係玩「正字」，明未？

求存

十月 18, 2007 in 無序社會, 創業紀與騙徒行傳

上個月聽左呢集，一直都諗緊貼唔貼出黎，因為唔想其他人只係注意左果個「叫雞」理論，但蕭生所講既真係好多人既通病，就好似以前旺角既芝士餅店，同依家既大陸國狗＜氣槍＞ *** 呢兩個星期幾忙，係呢個商業社會生存真係唔容易，我要努力！！！！

緬甸局勢

九月 29, 2007 in 無序社會, 生活／感覺

我沒參加集會，但我仍十分關心局勢發展，由其看到日本攝影記者長井健司被冷血槍殺，那一刻，我血液凝固了！

老翻文化

九月 21, 2007 in 無序社會, 老翻文化

以下內容絕對係講完又講、又長又 X 既尿布文章，自瀆用，無誠勿閱～ 最近我先知道原來有人買樓時要求經紀將佣金以另一種形式全數回贈＜公司那份佣金當然不可能＞，而經紀又願意只係咬份＂老底＂喎？ 我唔係想知成個過程合唔合法，而係買家同經紀完全將＂服務／商品／交易費用＂零成本化，簡直係某 d 人心中既「烏托邦」啦，點解提供左服務，唔可以收取合理＜或者係之前協議定下＞費用呢？ 當然經紀可能因為再開唔倒單就俾人炒而逼住白做，但係乜野教育消費者咁既邏輯？以前買野講價人地開價二佰，你還價廿皮＜大陸 mode ，係香港會俾人追打＞，最後可能六十成交，依家唔係勒，一開口就唔駛錢～ 當我聽完以下既敘述，我明白晒﹕ ＂咩老翻丫，咩照抄丫，你個支玩具槍咪又係抄真槍，咪又係老翻，我再抄你有乜唔岩？＂ 乜道理？紙鶴係咪又老翻真鶴？ ＂乜你支野咁乜貴，我支老翻平過你、正過你喎！＂ 乜唔係免費咩？做老翻唔係開善堂咩？