Archive for the ‘玩物’ Category
Via: Engadget Related topic: Lego Millenium Falcon
尋晚睇「一擲千金」，個節目我無乜興趣，不過參加者原來係警務人員，佢分享果個係油塘圍捕「重裝悍匪」既故事，我都經歷過。 大約十年前，我同隊友經常轉戰各「夜場」，其中一個就係油塘茶果嶺道既船廠，呢個船廠好似曾經拍過電影《G4 特工》，裏面大到可以「蕩失路」，第一次去既時候，我地玩左好多座建築物，有好大好大既多層鐵皮屋、貨倉、維修廠房，但係重有唔少未入過去既，例如第二次去玩既八層辦公大樓。 既然第一次玩到唔捨得走，第二次就搞大佢，我地呢邊動員左五十至六十人，去到重有兩班人係度，加埋大約七、八十人，兩班人之中既一隊「民兵」，提議玩「兵捉賊」，我地全部人捉佢地十個。 一叫「開始！」，成班「飛虎」就係大門口草地衝入去「搜」佢地去黎，唔夠一分鐘，草地上一個人都無咯，我同三個隊友再加四條裝備精良既廢柴就「分」到一幢八層辦公大樓黎「搜」，我地四個一條樓梯，四位廢柴就另一條樓梯，逐層「搜」。 搜得幾層，四位廢柴就大叫上面有人開火，又話上層有鐵門，攻唔上，最後我都唔記得點攻左上去中層勒，我地就覺得好奇怪，如果有敵人，佢地又可以退得咁快上另一層既，重乜野蹤影痕跡都無？果四位廢柴重驚到要走先喎！頂佢地個肺丫！ 咁我地唯有四條友再攻上去啦，我都有 dd 緊張架，可以咁快無聲無息消失既敵人，下一分鐘俾佢地「圍」又有乜咁奇？卒之攻到上八樓，同其他樓層唔同，可能係老細既辦公室或者係文件儲藏室，裏面一 d 間隔都無，一眼睇晒只有幾個文件櫃，邊度有人？！ 大家明白點解果四位叫做廢柴啦！謊報軍情喎！ 係八樓望過去遠處既建築物，打到「彭！彭！」聲，事後佢地話班「犯」全部死守係建築物裏面既一條冷巷，果四位廢柴見倒乜。。。。 打完第一場，吹完水，第二場又「開飯」，「開左飯」唔夠幾分鐘，就有人用「大聲公」叫所有人出晒黎，我地十幾人離大門口唔係太遠，最早出到黎，見幾位阿蛇係草地中央位置等緊我地，因為太多人，之後十幾分鐘不斷有人出黎＜最多係飛虎＞，我地成班人「圍」幾位阿蛇，不過阿蛇有兩架 EU 車既火力喎！ 最後當然無得玩啦，唯有返歸～ P.S. 果晚隔離拍緊《烈火雄心》，重嘈過我地～ P.P.S. 未經許可，進入私人地方係犯法架～
希望佢快快捱埋呢幾個月啦～ 睇住佢玩下玩下，越玩越大，唉！槍打出頭鳥！ 港男承認在美偷運軍備判囚 (明報)03月 10日 星期六 03:35PM一名香港男子承認由美國偷運軍備，周五被美國法院判監14個月。 康涅狄格州政府表示，案情指，這名33歲姓林 威 廉（W@i Lim Willi@m Lam）譯音的男子去年10月企圖用1.1萬美元 ，向一名臥底探員購買5個軍事望遠鏡，並計劃偷運到香港時被捕。林在12月在庭認罪。 檢察官說，美國致力打擊非法出口敏感軍事科技，避免落入不法分子手上。
交通﹕ ★★★★ ＜廣華街有大巴接送，距離近＞ 服務﹕ ★★★★ ＜有裝備租用，可打夜 game ，有車位，另有賽車場合兒童使用＞ 場地﹕ ★ ＜據稱約有三個足球埸大小，實地觀察下比其他 game 場細，同以前＂雞記＂街埸差唔多大，分為四個 game zone ，每個 zone 都幾細下，有油桶陣有樹林， d 樹太幼身唔可以做 cover ，最搞笑係個 zone 同外面一條無車行既小路只隔住一塊鐵絲網，打倒外人就唔好啦＞ 管理﹕ 負三粒 ★ ＜果份三大頁＂生死狀＂，使我諗起 rules of engagement ，駛唔駛咁長氣先？結果我地班老鬼一個都無填﹔管理混亂！試槍區竟然係整個場地既中心，又無圍柵旁邊就係俾兒童玩既公園仔，好危喎！整個場地無明顯區域分隔，其他場地使用者好容易走入野戰交戰區＞ 膳食﹕負五粒 ★ ＜痴線架！生米、唔夠飯、無電整午飯乜都出齊，搞乜丫？＞ 價錢﹕ $99 + $20 ＜包車包＂食＂，租裝備另計＞ 總結﹕ 個場細，少人去／或者夜 game 都可以考慮既﹔如果唔改善膳食，我就唔好想再去勒 *** 照抄 PK_日報風格，哈哈！
又係踩人時間，喂？你玩過 eBay 未架？邊個教你話係上面賣野同跌錢黨、祈福黨大同小異？ 我都係「依悲」上面做過「下」買賣，從未相信拍賣期短就等於買家無足夠時間思考，再等於賣家可賣高價～ 玩「依悲」，時間單位係「秒」！有時一分鐘內已經要落幾個決定，你放一日、七日同十日有幾大分別先？真正有心 bid 好野既，只會係 last min. ＜應該係十幾秒＞落 bid ，明未？ 件野放得高唔高價，通常係件貨物最近多唔多人追、追到乜價位、市面多唔多貨、罕唔罕有、 seller 既 positive feedback 有幾高、 seller 係咪 new account 、 description 寫得好唔好等。。。。。。因素有直接／間接關係。 你驚客人「諗」既，你件貨就唔慌好野啦，我係現實同網上都唔會「咁」逼個客下決定，又唔係鴨記賣 IDD 解碼器，做生意係長遠而唔係咁既～ 你件貨人人都有既，你 “Buy it now” 算啦！關乜拍賣期長短事丫！ 跌錢黨？交多 d 學費先啦，我只係見倒一個傻人想呃人。。。。。 各位玩家，唔駛對號入座，我講既係呃稿費既人教人玩 eBay ，唔係玩家黎！
幾日前經過朋友阿龍鋪頭，坐低同佢吹左一陣水，佢慨嘆依家香港零售市場越來越唔好做，客人唔會考慮你件產品既創意、 labour cost 諸如此類，只係考慮你既成本價，相反歐美買家較注重你擺係件產品上既「附加價值」。。。。。。 阿龍係做玉石生意既～ 其實我話佢地考慮你既成本價已經好尊重你既產品，更多既顧客只係考慮三個因素﹕平、平。。。。。。最後都係平！最好係街邊碗仔翅既價錢，富豪飯堂天九翅既質數啦！ 「長毛」以前成日話做左野出黎就自然有人會欣賞，我就話戇居啦！無宣傳無網絡你「聽」坐艇再俾人抄十幾次啦！啊！唔係！係亞甲抄完你，亞甲再俾亞乙抄，亞丙亞丁亞戊又再抄亞乙，無日無之！依家個個都話去「鴨記」買老翻玩具、老翻電筒、老翻乜乜物物，賣「流蛋*」？ out 啦！ 就以賣漢堡包為例，係人都知麥噹噹係數一數二既。。。。。。唔好食，但邊個仍然企係度？連「啃得雞」都係睇通左，照抄麥噹噹個模式先有得玩落去＜啃得雞香港代理係壹仔度講既＞，一句到尾，不間斷而強勁宣傳加龐大網絡就係成功既因素，其實由我地為左「蝦佬契弟」而食麥噹噹開始，大家都認同左產品質素無所謂，有乜野送先係重點！ 依家既人見倒新產品，唔係問幾錢，係問﹕「幾時有老翻？」 *假錶
場地唔多掂，又唔算平，午餐一般啦，下次都係呢個價就未必去咯！ 不過呢次係幾好玩既，大家都好開心，又合作得幾好。
如果一件產品，連別人批評產品既質素都唔可以既，咁咪重緊要過藝術品？ *** 又要抖下先，呢兩日太＂支力＂勒！
我相信嘔泥都可以 2.0 ，就好似鵝頸橋 d 阿婆幫人打小人咁，今次我就幫下朋友阿拔嘔泥。 背景﹕阿拔係一個死硬軍品玩家，呢個圈既人好乜麻煩，你玩得平凡，有人會笑你，你玩得好，重死！有人會有事無事都拎你出黎「寸」下，你拎 d 野出黎分享下咩，一係就俾人話「曬」野，一係就俾人話你果 d 係流野、次貨﹔再唔係就有 d 「業內人士」出黎指指點點，慌死你講多句佢就做少左生意。 嘔泥部份＜三級＞﹕挑！條「奶周」錯白字小氣公仔佬、同班打手都 on dog dog 既，大家都係玩下唧，又唔係阻你搵食，咁眼紅咪買 Q 晒市面所有軍品咯，或者搶晒所有民用野返黎自己代理咯，咁咪可以自己玩晒唔駛驚人地有你未有，反正你地都 on Q Q 咁乜都貴貴都俾，只係買返黎抄做老翻，又或者搵唔 Q 倒就老 dup 人地條數，可憐我地正正經經想玩下就俾你地抬高晒！ 另外公仔佬你以為自己上晒神檯好乜勁，查實你返野有幾勁幾多 source 人地唔知咩？玩開果班都知你咪得果幾個，咪只係大倒班唔識既「。靚仔」，我一早講過，玩呢家野只係鬥錢多， source 就大同小異，只係大家願唔願出個「豪 d 」既價錢玩早果一排！ 最 on dog dog 係班打手跟班，俾人「醒」個「豪情」價重當人神咁拜，佢自己蠢就算啦，你地俾個蠢既「坤」係咪死蠢呢？ 最後，「奶周」班人真係無水準，又唔執下公仔佬 d 錯字、白字，等人重成 Q 日扮日文「乜社」，挑！學好中文先啦！ 係！我係人身攻擊！吹咩！ powered by performancing firefox
powered by performancing firefox
係度執緊裝備，大清早出發打 game 。 今日又同 Bosco 去左另外兩間幼稚園面試，詳情過左星期日再寫，因為打完 game 返黎，再同大妹打邊爐，跟住再出去同朋友飲兩杯。 另外，上次面試果一間幼稚園已經書面我地 Bosco 已被取錄，而且該校已向李局長投降，轉左做非牟利。 powered by performancing firefox
via: 軍品痴漢手記
-
最近的回應
darkman on 我點解要你請我？ ARIEL on 我點解要你請我？ 人人檸檬茶(204篇) — … on 檸檬茶短篇 五點 on 倪匡先生真跡 My Life as Open Sour… on Hitler finds out no camera in … Five Points on 十五片 darkman on 唉鳳與雪豹 gabefung on 唉鳳與雪豹 darkman on Bosco 週記＜二十＞ darkman on 唉鳳與雪豹 -
Flickr/Sushi
More Photos 
MacGrass- Macworld
- Engadget
- 老地方冰果室
- An error has occurred; the feed is probably down. Try again later.
- Xuite日誌：反微軟資訊新聞
- 貝哥哥
- Tom’s Hardware Guide
- TG daily
- The Unofficial Apple Weblog (TUAW)
-
-
本 著作 採用 Creative Commons 姓名標示-非商業性-相同方式分享 2.5 授權條款授權.
This work is licensed under a Creative Commons Attribution-NonCommercial-ShareAlike 2.5 License. -
