Archive for the ‘Bosco’ Category
大家好, 好耐無見勒, 你地估下我食乜野呢? 就係刨冰勒! 雖然我都唔知咩叫刨冰~ 肥爸帶我去邊度呢? 原來去 BBQ ! 我燒腸仔, 肥爸整椰青焗飯!
我似唔似海盜？ 哈哈！哈哈哈哈！我係＂柯柏文＂！ Bye bye！
今年肥爸終於帶左我去睇舞火龍，重見倒表舅公添，我重知道太婆＜即係肥爸既婆婆＞細路仔既時候住係邊條街 靜靜雞話俾大家知，原來去睇舞火龍好悶架，肥爸重以為好似廿幾三十年前咁，無乜人睇人人可以行埋去條龍度～肥爸話下次咪搞！
同 Tiney 姐姐、電鋸哥哥唔一樣，我去澳門竟然無落雨，好好玩！
我識渣電車！ 科學館好好玩！ 表弟開生日會～
依家既記憶咭體積越黎越細，以下既危機只會越來越多發生～ 話說上個星期睇倒網上廣告，某硬碟製造商推出＂一換一＂優惠，可用任何硬碟、記憶咭加九九九元換購外置硬碟，本來我無諗住幫襯，但我都搵定張咭出黎，拎埋落腦場睇下係咪咁抵～ 咦？點解我放係 keyboard 旁邊既兩張 MS Duo 唔見左？得返個 card reader 同 Apple remote 係度，當時我真係「心念電轉！」，剎那間我已將前因後果組織起來，唔通。。。唔通。。。有人將兩張 MS Duo 插入左唔應插入既地方？即刻拎起個 card reader 搖兩搖，我耳邊響起「 short short 聲！」嘿嘿嘿。。。我既冷笑聲足以令在場人士如墮冰窖，不過現場只有一隻蚊！ 更恐佈既係後面，從「 short short 聲！」我分辨出裏面應只有一張咭，咁另一張呢？我又聯想到會唔會插左入去 iMac 既 SuperDrive 裏面呢？救命啊！依家輪到我如墮冰窖勒！ 我嘗試唔去諗最壞既結果，先拆開個 card reader 研究下有乜係裏面，咁對我呢個工程師黎講，拆散 d 野又無乜難度既，唉～天啊～點解裏面真係有張咭係度？點解個設計咁屎可以經 smartmedia 既位置插左入去裏面架？ 咁我再試埋個 SuperDrive ，嘿！好事成雙！插碟入去彈返出黎，極有可能裏面加左料啦～精彩既係我只係用一封書信，靠感覺靠撞「了」番張咭出黎，但唔知 SuperDrive 有無內傷呢？我聽日要買六合彩了～ 之前有陳靚太既教訓，我一早已係部 iMac 後面加左個 3M 無痕掛鉤黎防止波記上網時太開心而整跌，但細路仔百厭起上黎你就點都估唔倒，佢地同 d 頂級 Hacker 一樣，無孔不入！ 我開始擔心過多幾年波記會 hack [...]
嘻嘻！上年去熊貓公園映既相～ 三色台電視劇聖地～ 前日去花展～ 你估下畫乜野？
祝各位大吉大利！龍馬精神！ Powered by ScribeFire.
烈火戰車！我似唔似華 dee ？ 我既生日「扒地」 爸爸媽媽帶我去「兵頭花園」
各位觀眾，我係麥振江，上集陳警花報道左多宗騙案提醒大家，節目結束之後，我地接倒好多個電話，提供好多有用既資料俾我地，係度好多謝大家，今集我再向大家介紹多種行騙手法，希望大家留意下﹕ 跌錢黨 – 騙徒除左會係老人家面前以親切笑容扮乖，借詞拎出豬仔錢箱騙財外，亦係受害人＜主要係一名三十多歲中國籍男子＞換衫既時候，要求受害人將身上跌出之零錢儲入騙徒之豬仔錢箱～ 天仙局 – 騙徒取得受害人信任一齊玩層層疊後，多以以欺詐方式取勝，例如無法取下積木時，立即以高速手法重擲骰子～ 迷暈黨 – 大約兩年前開始係新界南區活躍，最近係西九龍區亦有零星個案，騙徒專係晚飯時間落手，騙徒會係受害人面前假裝慢慢暈低，受害人通常都會好合作俾騙徒離開，騙徒就以極高速度蘇醒然後走左去玩！而一般相信騙徒唔會係進食西式蛋糕、粥品時間下手～ 大家要小心提防！
肥爸帶我去露營丫，我執左好多蜆，不過俾肥爸食晒！
Yeah! 肥爸終於應承帶我去「玩具反斗城」買「層層疊」啦，爸爸唔知其實我係婆婆屋企都有一副，我重教埋姨丈玩添丫，不過肥爸買果副有粒骰仔，擲倒紅色就要 monk 紅色，肥爸話我茅喎，我 monk 唔倒紅色，擰粒骰仔去藍色之麻！
各位哥哥姐姐，好耐無見勒，我開左學比較忙，唔得閒上黎寫週記，唯有俾爸爸自己寫啦 上個月肥爸同媽咪帶左我去「滴豉梨落猿」玩，肥爸由頭「彈」到落尾，我就覺得好好玩丫，又有巴斯光年、又有小熊維妮、又有咖啡杯、又有得「渣」車、肥爸「渣」綠色車、我「渣」藍色車。。。。＜編按﹕阿仔，你好煩！＞ 肥爸話「荔園」重好玩過「滴豉梨」，重話好彩唔駛俾入場費～
-
最近的回應
darkman on 我點解要你請我？ ARIEL on 我點解要你請我？ 人人檸檬茶(204篇) — … on 檸檬茶短篇 五點 on 倪匡先生真跡 My Life as Open Sour… on Hitler finds out no camera in … Five Points on 十五片 darkman on 唉鳳與雪豹 gabefung on 唉鳳與雪豹 darkman on Bosco 週記＜二十＞ darkman on 唉鳳與雪豹 -
Flickr/Sushi
More Photos 
MacGrass- Macworld
- Engadget
- 老地方冰果室
- An error has occurred; the feed is probably down. Try again later.
- Xuite日誌：反微軟資訊新聞
- 貝哥哥
- Tom’s Hardware Guide
- TG daily
- The Unofficial Apple Weblog (TUAW)
-
-
本 著作 採用 Creative Commons 姓名標示-非商業性-相同方式分享 2.5 授權條款授權.
This work is licensed under a Creative Commons Attribution-NonCommercial-ShareAlike 2.5 License. -
