新唉嘜

十月 21, 2009 in 硬件, 蘋民生活, Mac

27″ inch 新款 iMac 相當吸引，吸引並不只是更大尺吋屏幕，而是可選購四核＜Core i5 / i7＞、甚至 16GB 記憶體，相信很多原本會選 Mac Pro 既用家，可以考慮 iMac ，顯示卡沒有比較，相信不會太差吧，同時上埸有新款 Apple Magic Mouse ＜上代名稱改為 Apple Mouse ＞& Apple Remote 。 另外， Mac Mini 一如傳聞般提供 Snow Leopard Server 版本，內建雙硬碟， SuperDrive 外置，需另作選購。 MacBook 呢，轉為內置充電池＜七小時用量＞，不計較連 FW400 也被閹去，應會選 MacBook 而非 MBP 13″ 。

唉鳳與雪豹

九月 16, 2009 in 軟件, Mac, OS X

我部古老 PDA phone 終於抵受唔住摧殘, 上個月尾正式魂歸天國, 搞到我要投入 iPhone 呢個大家庭<我咁形容好合理, 係地鐵車廂內使用 iPhone 既乘客數目驚人地多>, 雖然我認為此產品仍有尚多改進空間<當然唔係想換電池啦>, 但選無可選下, 都係唉…… 鳳啦! 其實我最需要既係行事曆、地圖加上定位、電郵同 iPod 功能, 上網就間唔中用一用啦, 其他打機、 Youtube 之類真係好少玩; 講開行事曆,  iCal <-> Google Calendar 之間互 Sync 始終有唔少問題, 搞左一大輪先可以 iPhone <-> iCal <-> Google Calendar 互 Sync , 希望雪豹係呢方面真係有改進啦~ 至於雪豹, 我諗再等多一陣先會裝, 唔計用開既軟件<反正唔算多>既兼容性, 都想等多一排睇定 d 先, 不過就已經備份左重要既資料, 隨時可以「上」.

MacWorld 2009

一月 7, 2009 in 硬件, 蘋民生活, 軟件, Mac

民建聯辦事不力，未能成功爭取新 Mac Mini ！ MBP 17″ 之前俾人講到悶，反正香港唔多人用＜真係唔多覺？！＞，不如寄望遲下 15″ 都可以有一樣既 config. ，例如 8G RAM、256G SSD ＜兩樣都勁貴！＞、同埋舊電…… iLife 09 有唔少新功能，但用緊 08 既用戶，未必咁急切要買咯～ iWork 09 就直頭無乜料到啦，只係 Keynote 多左幾個功能﹔至於用 iPhone / iPod Touch 控制簡報操作，真係玩過至知正唔正 iWork.com ？似乎要用 iWork 09 先用倒喎，咁除非你有既功能係非用不可啦， Google Doc 都 OK 丫！最後唔好話我知一定要 Safari 先用倒，重死～

我的備份

十一月 22, 2008 in 硬件, 蘋民生活, Mac, OS X

題目極有 M$ 味道，夠娘，我鍾意！ 見靚太講開 backup ，我又講下點 backup 依家用緊一隻 Stardom ST3620 ，唔算好抵但有 FW800 既選擇唔多，見佢幾硬剩就買佢啦，裹面只係裝左一隻硬碟，牌子唔記得 隻硬碟分成兩個 partition ，一個就用黎幾個月一次 full backup ，必要時可以用黎 boot 機、救機，另一個大少少既 partition 就用黎俾 Time Machine ，遲下唔夠用先再加多隻，到時咪分開兩隻硬碟 backup Time Machine 主要用黎備份重要但又隨時都會修改既檔案，另外果 d 又大又唔常用，甚至無左都唔係咁大件事既，例如電影，就用另一隻較舊既硬碟黎 backup 講開 Time Machine ，除非做緊 d 好緊要既工作，否非唔會用預設既一小時備份一次，用 TimeMachineEditor 可以更改分隔時間，亦唔係日日都備份，唔用就熄左佢 另外講開， BT 就用一隻 2.5″ HD ，無咁熱，就算瓜左都唔駛傷心

iMac 維修記

十一月 12, 2008 in 硬件, 蘋民生活, Mac

部機未玩夠一年就因為入塵而要換顯示屏，唔……….. 對不起，我無可能唔咒罵蘋果既硬件質素！ 當然有買「阿婆 K 啊」，打電話同客服定零件／約時間，順便要換埋隻有問題既老鼠，之後備份好硬碟等師傅上門 師傅好快手拆開部機換左塊顯示屏，佢重話呢款顯示屏入塵係死症，咁我立定心腸每年打電話俾客服要求換一個新「屏」啦！ 後話﹕呢一「水」既顯示屏比較暗，算啦！反正之前果塊太光勒，但新果隻老鼠重無舊果隻咁順添～吹脹！

雞肋

十月 16, 2008 in 硬件, Mac

MB 依家有少少雞肋 feel ，又無 FW400 又唔係平又唔係輕，不如比多少少要部十一月既新版 MBA ，重實用咯！ 前晚＜尋日朝＞睇完真係有少少失望，既然定位高左就唔好拎走 FW400 ，只係加強顯示晶片唔通買部 MB 黎打機？ 除非 Apple 真係會出部 MID ，唔係就真係怪怪地～