MacBook Paper

29 一月, 2008 in Web2.0

硬膠飛屎卜

20 十一月, 2007 in Web2.0, 戇鳩

上星期因為清除硬碟上資料，連 Firefox 上既 cookies / password 都一次過清除，咁當然乜野 eBay / Paypal / Facebook 都要重新輸入密碼，大部份都無問題，唯有 Facebook 試左幾次入唔倒去，咁可能我記錯左啦～

咁好勒，我試過 reset password 但又收唔倒依貓通知喎，其實收唔倒都唔出奇既，唯有向 login@facebook.com 求救啦，我就搭單問埋點解佢地唔俾我改過個 “real name" ，因為我之前試過去改，但佢地個系統 (Automatic approval system) 係一定唔批既，咁小事唔俾改就算啦，橫掂要問野我就順手問下～

哈，唔問由自可，一問之下佢地就話﹕「你用假名係違反我地使用條款喎 (Fake names are a violation of our Terms of Use.) 。。。。。。如果你想繼續使甪你個 profile ，俾返你個真名我地，再恢復返俾你用啦！ (If you would like to use this profile again, just get back to us with your real name, and we will reactivate the account for you.)」

本來都唔想再抖纏，但見我個 account 由 login 唔倒變為 “Disable" ，而且再問落去原來要 scan 埋證明文件俾佢 (Please provide a scanned image of a government issued ID)，本來一直我都係平常心，反正我好少用 FB 無乜所謂，但到左呢刻真係有 d 火滾，搞到我星期日朝早趕住出門之前，都忍唔住插番佢轉頭

無野丫嗎？真係唔 X 唔貼服！時間有限，三野就算﹕

一＞俾埋證件你睇又有 X 用？你識 X 分真定假？

二＞證件上面唔用英文你又識 X ？

三＞大把人唔係用真名，你又點？個個都 disable 晒佢？

最後咪又開番，搵野黎搞！

***

我好明白個個搞網都想個名單有咁準得咁準＜錢喎＞，最好連人地有幾多隻爛牙都知添，但有 d 野你根本求證唔倒，或者求證成本太高，何必呢？

而且，我個名好假咩？

FB

12 十一月, 2007 in Web2.0

朋友們，其實你地既邀請我有收倒，最耐果個有幾個月咯，只係無乜心機玩呢 d 野，所以一直懶搞～

呢 d 平台玩得多真係有 d 悶，如果唔係對工作上、生活上有好大幫助，我諗好快熱情就會慢慢退減

依家好似係個新地盤插左支旗咁，不過咁多個地盤，度度都要睇下，好忙～

奀星 E

25 十月, 2007 in TV/Movies, Web2.0

笑話一個，我唔覺佢邊忽有才女既條件，所謂敢言，只係似唔經大腦既廢 up ，或者係食得太多唔熟既蕃薯～

幾句黎贈佢﹕姿色普通演技差，既然咁唔志在無記呢份工就早走早著，但唔好諗住人地會咁易放你走，又即管睇下係外面娛樂圈點生存，呵！

你 bi le ba la 為自己谷新聞果時，有無諗過有邊間公司可以容忍你？

靚女裝寬頻

22 八月, 2007 in Web2.0

靚女裝寬頻就一定有著數？咁駛唔駛直接話埋上黎拉線既外判超低價位技術人員個個都係狼狗呢？呢個序述同「女保險經紀一定會同客上床換保單」一樣，一樣低智～

不論係真事、吹水、吹錯水番兜、老屈、轉個彎讚自己條女。。。。。。。。都係硬膠，我睇左我都膠埋！

iPhone icon

27 七月, 2007 in Web2.0

係右手邊加左幾個 iPhone icon ，因為覺得幾得意，遲 d 會加番 Flickr 同 digg 個 icon 落去～

另外，大部份讀者都係用 Google reader 同 Bloglines 閱讀我 d 痴線文章，今日有人試用 Rojo 我先發覺有幾個 subscribe link 死左，係時候檢查下咯

恭賀渣老闆「博」到出野

7 七月, 2007 in Web2.0

呢幾日無乜時間上網，遲係遲少少，都要恭賀渣老兄自資出書成功，好野！

我會係書店留意一下出左未先～

大蘋果

30 六月, 2007 in 硬件, 軟件, Web2.0

聽「大蘋果時代」 podcast ，見倒話訪問女蘋果迷，重以為係靚師奶，原來係林檎妹子～

***

又係 iPhone ，當然係指定動作﹕開箱照、爆散照啦！

***

Safari for Win. 出左 3.0.2 ， startup 快左， memory leak 方面有改進～

東照宮

10 六月, 2007 in Web2.0, 不一樣的回憶

十多年前第一次到東京時，曾到上野東照宮一遊，我相信一般人未必對家康君的衣冠塚＜上野＞有興趣，我不理，一個唔該拉埋朋友入內

當日只用傻瓜機拍了幾張照片，質素麻麻費事再 scan ，唯有借用網上照片

***

唔駛懷疑，以上文字雖然無包括電話地址網頁，但絕對有廣告嫌疑，不要怕麻煩，請在留言區發起提請刪除投票，多人支持﹛﹛刪除﹜﹜一定會刪除，放心好了

香港的Blogosphere有多大?

9 六月, 2007 in Web2.0

姑勿論覆蓋率有幾高，剩係軒爸既求知精神，加上時間心機而做出黎既清單，已經令人敬佩，多謝軒爸！

強烈建議由第一篇開始睇起，大家又諗下有乜計仔令搜尋結果會更準確？

***

我都幾頂唔順 Yahoo Blog ，之前睇開既 blog ，越來越少去睇，唔好話留言丫～

輿論壓力？

12 五月, 2007 in 無題／耐人尋味, Web2.0, 勁人回收筒

「巴黎希爾頓」被「重判」，係自找既，關乜輿論壓力事？因為輿論壓力而「做」佢？因為負面新聞多而「做」佢？

唉～支持唔住～

***

中大單野，初初我都以為好嚴重，跟住睇落，超！一個所謂問卷咋喎，只係表達左一部份大學生對性既睇法，有乜問題？

「你最想同咩動物做愛？」就係鼓吹人獸交？我問你有無諗過召妓？我就一定係馬伕啦～

我地真係退化緊，遲早人獸交、雜交、茹毛飲血架啦！

本月金句

9 五月, 2007 in 無題／耐人尋味, Web2.0

“如果你expect這個blog說說廢話，寫D係人都寫o既K Post真心膠膠朋友o既話，Sorry，呢度唔多o岩你。"

我係度自己呃自己 post ～

RvD2

6 三月, 2007 in 無題／耐人尋味, Web2.0

雖然長氣左少少，又有穿崩，不過都打得幾過癮喎！

建議去呢度睇 DivX format ….

今日人人都 iPhone

11 一月, 2007 in 硬件, Web2.0

一起身 DJ 、新聞報道員、財經評論員、博客。。。。。。都係度講 iPhone ，有人話一定掂，有人話好有創意，有人嘲笑乜都 i 一餐，又有人話得 EDGE / 2M cam. 點解唔三支，又有人話乜乜物物。。。。。。

唔係包拗頸，但有乜野新創意先？你覺得佢勁，只係現時既 PDA phone 太屎同無進步＜調轉黎講係咪你要求太低太容易滿足？＞，正如當年第一次用 Palm ＜當年 PPC 未有咁多人用，如換左 Palm 係 PPC 結果係差更遠＞，覺得根本唔係 Newton 果皮。

我幾鍾意裹面既體貼功能，好多野可以好輕易係搭緊車就做倒，每次我用 PPC 搵個電話號碼出黎打既時候，我都「小」緊邊個設計 PPC 個 UI 既＜我唔想再裝其他 sofware 黎幫手＞，因為我用 PDA 大半時間係用手指而唔係支「牙簽」！

咁多功能同 internet 有關，網絡商掂唔掂？到時至知！

至於 2.75G / 2M cam. …… 我覺得無所謂，全部野都係模組化＜module＞，換左都未到零八年啦， $599 ？到時唔減先嘈啦，而且買部 O2 都唔止啦！

而且俾 5M cam. 你有乜分別？影靚女、重要野請用 DC ～

反而我有興趣果 1% 目標！雖然呢 10M 有唔少係 iPod 既舊客，但果批新客都好「和味」下！賣機賺錢事少，幫手「立」iTunes Store 新客仔好過啦！至於係咪搶 PDAphone d 客，我覺得一半一半，我見好多女仔都會由普通手機轉 PDAphone ，轉去 iPhone 更無難度啦， PDAphone 既客？我就九成會咯，其他死硬 M$ 友唔知呢～

我唔提你可能唔記得佢→ UMPC ，你算老幾？

***

唔可以換電都可以係問題？

***

M$ 又出 Zune 手機？算把啦，六師弟～ Orz

***

All pic. from Engadget Chinese

無妄

29 十二月, 2006 in 無序社會, 硬件, Web2.0

尋晚，終於可以連上大部份美國網站，雖然好慢，但總算重光丫。

呢幾日，香港好多「網上人」都經歷左一場「網劫」，平日依賴互聯網既我，連電郵都睇唔倒，想寫 blog 亦唔俾，其他朋友想 bid 野唔得， bid 左既亦無法完成交易！

我都唔想過度依賴互聯網，但有電郵系統唔通重用電報？而且你唔用唔代表可以將損害減低，例如你只用現金交水費，但互聯網失效一樣可以影響到你，因為個繳費系統要連上中央資料庫先可以印將收據俾你，除非你係連水都唔用啦！

天災人禍無法避免，乜高科技都有死角，重點只係你有幾多後備系統唧，我一直都有用多一間 ISP 既諗法，即係一部 dual WAN router 駁兩條寬頻，咁當然第二間唔係同第一間租線啦，咁就乜都無用啦，但未實行已經黎一埸「無網之災」。

睇新聞好多證券行似乎都無諗過乜野 backup plan 。