被 ban …

尋日打完 wargame ,幾好玩,不過乜都壞~~~吹脹!

***

今日要去見客介紹個 RFID solution ,本來都幾有信心,因為我地諗既都幾切合顧客既需要,但係。。。。點解你要反口呢?又係你話要全自動化既,咁咪同你做個「全自動化」既 proposal 咯,上倒黎 present 你又話「全自動化」唔可靠,咁你想點呢?

「全自動化」當然貴啦,邊度有免費午餐呢?而且我地講既係連機場貨運站應該都未有既定位技術,咁既價錢算係咁啦,你拎個比「低能身份證」重要低能既技術黎插我價錢,我無計喎~~~佢果 d 係 “contact" smartcard 而唔係 “RFID"。

你反過黎問返我用左可以慳倒幾多錢,你係客,我都即時俾左個例子俾你黎說服你老細﹕個系統可以幫你係公司任何一個貨倉內,將任何一件物件「定位」,可以知道佢既所有「歷史資料」,連佢有無俾人偷左都可以知道,咁可以避免有件貨失蹤左幾年,忽然走返出黎,但已經過左期變左死貨勒!我唔可能將每一個自動化既好處話晒俾你聽,呢個係一個 RFID solution presentation 而唔係 cycle time reduction training course , OK?

我拍檔答得好清楚丫,係未睇過你地既工序之前,俾倒個好準確既數字都係吹水唧﹔而且你買車果時有無問下 sales 架車可以幫你慳倒幾多錢?罐頭刀又可以幫你慳倒幾多錢呢?

貨倉係後勤野而唔係賺錢野,你一早知,如果你再問可以幫手搵幾多錢,我唔識答你咯!

至於更多先進既功能,都唔駛再講落去啦~

出黎賣橋我預左俾人 ban ,但係,你係想要感性定理性消費先?

***

開完會,係 APM 廁所見倒 d 得意野,聽日再講。

***

可能大家會以為我無俾心機 sell 呢個客,衰左就係度嘔泥,但有時好多野係雙向既,個客有自己既諗法而唔話你知,甚至有其他內情你無辦法知,你好難玩,因為個客唔係企定定買支唇彩買棵菜,你可以走埋去理解下佢有乜需要,實情係連我地要求參觀下佢地既廠房、貨倉再出 proposal 都唔俾~

呢個只係另一個既 “wrong timing" case ,無計,咪等你真係好需要,例如老細發覺行家用晒 RFID 而自己無,覺得失威而返公司插下面既 I.T. manager 既時候,咁咪「好需要」咯!

其實至少有一間好大既香港成衣公司,已經睇通左呢樣野,最近將 RFID 應用係大部份生產工序上,可惜我地之前唔知情,唔係我都想去 sell 下呢個大大大客當做練習、學下野。

最爆笑係佢地「趕」我地走既時候,自爆人地既報價好平好平,但人地態度好寸,唔願意浪費時間招呼佢地,所以唔會考盧云云,我心中暗笑,人地只係諗住一買一賣賺個差價而唔係 sell 技術、售後服務,點會慢慢服侍你?果 d 平價 smartcard 人地分分鐘執唔倒 5% 丫!

個客唔聽我講,我無謂反駁,無謂贏左場口水交、賠左長遠既生意,更費事教精人地~




    發表迴響

    在下方填入你的資料或按右方圖示以社群網站登入:

    WordPress.com Logo

    You are commenting using your WordPress.com account. Log Out / 變更 )

    Twitter picture

    You are commenting using your Twitter account. Log Out / 變更 )

    Facebook照片

    You are commenting using your Facebook account. Log Out / 變更 )

    Google+ photo

    You are commenting using your Google+ account. Log Out / 變更 )

    連結到 %s



%d 位部落客按了讚: