有關斌仔後記

30 八月, 2007 in 無序社會

接上文及陳生原文

我好憎人假慈悲，由其係買幾條淡水魚走去大海放生，或者某名人三唔識七走出鼓勵某位重病病人、傷殘人士

而且好人做好事，可以「好低調」的，做 PR 先至要考慮有乜話題、有乜價值～

生命中不能承受的顛

28 八月, 2007 in 無序社會

如果你折墮既時候，試過被活得比你好得太多既「聖人」鼓勵，一次又一次咁叫你積極去面對人生、不斷話你知生命幾咁有意義，就算佢地既笑容有幾真，你一定會覺得佢地有 ＞120% 既虛偽！

你自己幸福就好啦，無謂用你既光輝照耀我既痛苦，當然我明白無我既折墮，就顯示唔出你有幾高貴，但都唔好照完又照、照完又照丫？

你真係有試過咁折墮再爬番上黎重企得住先好教我做人既道理，唔該晒！

你地咁善心，不如「認真」幫斌仔諗諗活下去重有乜意義先？唔係叫佢出書鼓勵其他健全既人丫麻？

活著不一定精彩，知道嗎？

模仿是最真誠的讚美？

22 八月, 2007 in 無序社會

唉！擺到明！

Related topic: 香港，抄襲做假的天堂

企業有乜責任

28 七月, 2007 in 無序社會

 

http://hk.news.yahoo.com/070727/12/2cfhq.html

呢單野，八達通仍欠市民一個鄭重、真誠既道歉，最初又拒絕翻查紀錄，而且當日都重係俾人踢爆而唔係自爆＜當然無一間公司管理層會願意自爆＞，呢間係乜野強盜機構呢？

一開始願意面對現實，隨便老作個理由再私下回收增值機＜話係某組件過熱、可能唔安全咯＞，搞番掂先俾市民用咪無事咯！

你估可以呃人一世？等個神秘戶口滾夠一億先算？

Related topic: 你增值左未？

書展、漫畫展、排隊

28 七月, 2007 in 無序社會

自從書展、漫畫展越來越多人，而且唔係為左書而黎既人比重越來越高，我好多年未去過咯，我好怕咁多人～

阿莫生講野都幾好笑，下次我跌左張戲票、演唱會入場卷，可唔可以咁講丫？型唔型呢？

我終於明白點解網上既流氓點解咁惡咯！

邪教

25 七月, 2007 in 無序社會

So far 今日都唔見塔利班既同黨「淫光社」賣旗，除左俾一亳子買佢支旗外，我諗過係佢地旁邊大罵「淫光社」係邪教組織，等 d 所謂「善長」巧驚驚！

「師奶你幫佢買旗丫？佢地專呃十三歲少女未婚大肚架～」

狗 up 加上少少即日新聞，重唔死？！

居安思危？

10 七月, 2007 in 無序社會

黃子華話既﹕「居安根本就係危啦！」＜Youtube 條片無呢一句～＞

好多人，都重係認為買樓係一種投資、一種保障，我唔可以話唔係，因為只要個市永遠唔爆，你份工永遠唔減薪，永遠唔炒人既，你都可以叫做岩既～

中國人古老思想係一定要有自己既物業，重岩唔岩呢？

依家打工仔既收入，有無可能追得上香港樓市呢？每個月用左家庭總收入既一半或以上去供樓，死慳死抵十幾廿年，供完一層買果陣叫豪宅，依家就每年幾百萬保養，都重係幾殘下既平民區屋苑，係咪就係叫有自己既物業呢？

咁就用左你十幾廿年既收入，犧牲所有既享受，呢 d 就係保障？

買樓唔同買股票，買樓對大部份人黎講，係一生人最大既賭搏，買股票可以幾千幾萬咁玩，樓呢？

你唔係大陸豪客，你有無幾十袋現金去掃幾間幾千萬豪宅？你唔係以為炒股可以賺幾間幾千萬豪宅丫話？

以上係老生常談，不過用黎中和下都好既～

***

尋晚聽 podcast ，講開買樓，好恐佈好多人重係諗住樓市會不斷升升升，諗住自己既收入會不斷升升升，跟住就借盡黎入市，用黎自住果班重好少少，炒。。。。係係係投資先岩。。。。投資果班，哈！

兩年前左右，有個我以前教過既小朋友做左地產經紀，有次佢帶我去睇左個示範單位，重介紹個轉下手既投資方法俾我，如果當時我有多餘錢再加上心雄，保證我損手離場，甚至上身～

地產商實有計引你上車接貨既！

福佳始終有你 2

19 六月, 2007 in 無序社會, 特衰政府

今次會否突破上集記錄呢？另外，我好想《頭條新聞》又唱多次喎！

http://plastichk.blogspot.com/2007/06/blog-post_10.html

Related topic: 福佳多謝晒

何謂犯法

20 五月, 2007 in 無序社會, 生活／感覺, TV/Movies

剛剛有人打電話黎問佢個仔用 Foxy d/l 流行曲犯唔犯法，我有衝動話佢知﹕「係香港，有錢有權就乜都唔犯法，你係蟻民，就吸啖氣都犯法！」

***

剛剛睇完「師奶唔易做」 DVD ＜田蕊妮、雪梨、董敏莉＞，無乜大道理，甚至主題有 d 老土，但我睇得幾開心，因為故事題材幾生活化

香港電影人，正正經經搞下創作咪幾好，抄乜丫～

毛髮の悲劇

18 五月, 2007 in 無序社會, 悲劇系列

以下內容有描述性行為包括人妖、輪姦及人獸交，閱讀前請先為你的顯示屏幕帶上保險套，如仍感不安，請打爆你的顯示屏幕～

以前寫過鬍鬚，前兩晚等緊剪髮既時候突然諗起體毛呢樣野，以香港華人黎講，我身上既體毛都算多過一般人少少，人就係咁賤，無既你就恨有，有既就覺得麻煩，體毛就肯定係其中之一樣，剩係冬天時著衫好鬼易俾靜電電親已經夠麻煩，而某 d 特別部位「死不悔改」地生出一兩條「怪毛」就更難受，好多時打完波係更衣室換衫，初相識既朋友想問又唔好意思既眼神，都幾似係睇緊一隻猩猩咁，唉！

唔知由幾時開始，總會有人將呢樣野關聯到性慾果度＜甚至性能力＞，正如鼻既大小代表性器官既大小咁，唔知係咪同參孫有關呢？諗起都覺好笑，關乜事唧？最經典係六、七十年代果 d 特務、艷情電影，總有個男主角赤裸上身，心口一定有張「地氈」，救命～～～

我可以話俾無毛又想「有毛有翼」既男仔聽，心口有張「地氈」真係唔係想像中咁好玩，而且港女唔多鍾意「猩猩」既，唔好再周圍問人點織張「地氈」勒。

我覺得香港男女都幾可悲下，唔少男女仍然對果 d 「一晚做幾多次先算正常？」「一次做幾耐？」「多毛=性慾強」問題充滿疑問，但個社會就越來越多重標準，一邊你可以係報紙檔買倒一本二本封面寫滿性暗示既八卦雜誌＜當然無包膠袋＞，大報既軟性內文就更明刀明槍啦，但另一邊個社會就不斷打壓一 d 討論丫、資訊丫，最正係個政府唔知係順手壓制言論自由而告夠你地，定係明知人地有錢請律師＜報紙、教會＞而唔卵告佢地，你會開始懷疑性呢味野係唔可以宣之於口既，性係唔乾淨既，兩公婆係睡房都要由頭包到落腳。。。。。。

我驚十年八年後，「夫婦結婚十年，始知何為性交，婦﹕哦！原來唔係接吻就有 BB 架？」呢類問題越來越多咯！

我地既社會唔係推行性教育，而係自我奄割～

***

好多好多年前，有朋友係外國帶左餅「人獸交」番黎，我知係乜，所以無乜強烈欲望要拎黎睇下，我連意外地 BT P2P 左「人妖／異獸戰」我都唔多頂得順既，不過我覺得呢 d 野有求就有供，總有市場總有人好奇既，不論 100P 、人獸、大肚婆、人妖、輪姦

呢個朋友未婚之前都有好多古靈精怪既性怪論，結左婚之後佢重正經過我喎！哈！

沉迷呢 d 野唔係乜大不了既事，以為裏面既野係真既先係問題，以為講下睇下就會有問題先至係「問題」！

睇番我之前既 post ， A&E 乜都有，你又告佢地淫褻丫！

八九六四，廣場上沒有死一個人

17 五月, 2007 in 無序社會, 八九六四

民建聯主席馬力講那些說話，其實十分合乎身份，你期望佢會講平反六四嗎？如果發生，中國一定是一個民主社會，當然唔係因為咁，而令民建聯上下終於可以講句真心話，而係「平反六四」比較有市場，甚至馬力、蔡蔡子等可以走出黎厚顏地講民建聯成功爭取一人一票直選中國領導人～

相信下一次選舉會因為那些說話而令民建聯失去多少選票既你，都係 on 99 的，民建聯既鐵票會理會嗎？就算有人影倒民賤聯班高層一齊吸毒、亂倫、雞姦未成年兒童，佢地一樣當選，明未？

Related topic: 六四過敏症

科研

19 四月, 2007 in 無序社會, R&D血淚史, 創業紀與騙徒行傳

好正經八百的題目名稱。

今晚新聞報道，審計處查數查到去應科院，出醜係必然，政府用納稅人既錢下海搞科研，你期望有乜出現？

我係馬料水雛妓園「浦」過幾年，經常碰到應科院既「科研」人員，佢地既日常話題係搵工跳槽﹔我今日打左個電話俾一個係應科院既老友，問佢 re-org. 完未，佢全程食住零食答我，以我所知，佢地成 team 人返工咁耐，只係不斷 training ……

班友唔係唔識做野架，早期應科院係矽谷請左唔少好野過黎，不過係阿豬阿狗都做緊 0.18um / 0.13um 甚至 90nm 既時候，佢地只係 tape out 左一粒 0.25um 既 test chip ！點解呢？

佢地七年「燒」左七億，行政費用佔左一半有多，剩低既三億，可以夠好多公司科研十幾廿年，佢地呢？唔好睇佢地網頁講到咁乜多成果，你又估下值唔值三億丫拿？佢地上次係 ITU 個 booth 就勁咯，成個場最重本既「書仔」非佢地莫屬，我都有拎本黎留念架，納稅人既錢喎～

如果審計處＜或者財委會＞搵個行內有番咁上下年資既行家一齊去抄佢地家，保證係果三億裏面會重多醜事揚出黎！可以搵我，要我介紹都得～

政府出錢出力搞科研唔係唔好，不過要「燒」多私人公司十倍既錢，先會有少少野睇，私人公司至少要向股東交代＜拎政府 funding 果 d 唔計＞，審計處？咪審完就無下文 。。。。

各位納稅人，肉痛嗎？

雛妓園班懶人唔好偷笑住，下次輪到你地解釋下門口果一百幾十棵當年為左溫總同老董黎參觀而買既枯樹買左幾錢。。。。

***

係度開個盤口，「雛妓園」一定唔止用左十八萬睇風水，你又估下點解？

乜香港真係咁開放？

12 四月, 2007 in 無序社會

第一名係咪叫「Blog 野」冠軍？真係 bad taste …..

延伸閱讀：

庫斯克的床 – 你地好意思「Blog 嘢」？

My Life as Open Soure – 每日一囧 – 比賽

劉華，你在何方？

11 四月, 2007 in 無序社會

姑姑 娟娟等緊你丫！

膠爆

9 四月, 2007 in 無序社會, Music, TV/Movies

尋晚睇新聞透視，馮添枝話因為有互聯網服務，先會有 BT 侵權下載，所以互聯網供應商有責任更方便地提供侵權用戶資料俾版權人云云～

膠爆！

***

侵權下載刑事化之後，馮生記住提醒雷頌德、王晶等人洗淨個八月十五！